|
| 寂寞陪著我 問為何鬧到事情越來越糟
壞到這地步 也許只能逃
情人暫留在家 徹底反省態度
我背城借一 去跟戀愛打賭
反省中
【│ 57% 】
Almost done
| | |
| 尋晚好好咁dl晒成套漫畫都無去睇晒就訓
我覺得其實係因為我唔想睇完佢
每次睇完一套漫畫都會好失落
每一個好睇既漫畫, 小說, 電影
我都會忍唔住好想快d去睇完佢
(雖然睇完會有失落感)
可以睇唔完既, 只有係自己做主角既故事
最後一刻來臨之前, 我會先合埋眼
可能係因為
果一刻
我已經知道故事既結局會係點
主角o係2回入面由我討厭o既人變成我想成為既人
好利害~
我都好想去流浪~
| | |
| 一貴 小麥~
我想我也找到自己的夢想了~
一起加油吧~
| | |
| 追一套未出完既漫畫真係好辛苦
睇住個故事, 一個冬天, 一個夏天咁過去
我仲係度諗點解成個季節可以過得咁快
細心小小去睇編者的話, 我先發覺得呢套漫畫以前係o係月刊連載
一個月先得個一回
如果我係咁既情況開始睇呢套漫畫, 我真係撞豆腐死左佢先算啦
吊癮吊死我咩~
想像下你追左佢79回, 即係幾耐呀???
個主角終於終於講左果一句說話
全家都好富有, 你要等多1個月先知結果
果一刻我應該會立即詛咒個作者一輪 
然之後即刻求神保守住個作者平平安安, 身体健康
個故事爛尾我真係~~我真係唔知點算好.....
不過再想深一層, 逐個月追其實亦都有佢既好處
當故事講緊夏天既生活, 自己都係處身係夏天
當故事講緊冬天既時候, 自己都係度期待緊聖誕節(假期)
同故事既主人翁一齊生活咁 幾唔錯
有種佢地真係好似普通人真實咁生活係尾道(真有此地), 係果度讀書, 打工既感覺
我抱住咁既念頭 用一回回既形式去睇
我發覺~~~~我真係會頂唔順........
太吊癮啦~~~~~
不過就會更加留意每回既開始同結尾
之後就更加欣賞佢既編排
但係我知道我會每回都更細心咁睇 同埋每回都更深刻
唔會一兩晚吞晒10幾期
好啦, 我發完癲啦~上次咁著迷一套漫畫已經係I''s啦
好可惜聽日唔係考漫畫
唔係實好高分
我d自制能力真係一流~
節制呢個果子我一定係食左落肚無左啦~
睇怕都已經沖埋出大海啦
最後: 香港既家人, 朋友, 小林先生, 你地要保重身体呀
第18期, 你快d出現啦~~~~
小林先生, 我得閒會睇埋你既舊作ga la~(即刻聽日考完試之後)
also, 我會睇惡作劇2吻~返香港之前會睇到最update果集
惡作劇2吻咁好睇, 點可以唔睇呀~~可???
| | |
| 有陣時, 想寫xanga又好似無野寫
有陣時, 又會有野但係唔知點寫, 寫寫下就刪左佢唔寫
再有陣時就太多野想寫, 亂到唔知點寫
今次應該係第3個case
好耐之前睇左套漫畫叫 I''s
一次過借左頭幾期, 好快就睇完
我本身諗住睇落覺得好睇先再借
由於真係太好睇同埋我本身節制係好差
我一晚之內來回係屋企(8樓)同漫畫店(3樓商場)唔記得跑左幾次, 好快就咁睇完
之後仲買晒成套漫畫收藏
後尾有套新漫畫叫草苺100%, 聽口碑話同I''s係同類型
所以就借左4期睇啦
睇完唔係我所expect咁就無再睇
之後偶然睇雜誌介紹一本漫畫叫純愛塗鴉又係同I''s同類型
借左黎睇發覺真係好好睇
鍾意一套未出完o既漫畫係好吊胃口
其後唔記得因為exchange定咩原因停左睇
暑假係香港又搬左屋, 附近又無漫畫店,
總之因為好多好多原因我忘記左呢套漫畫, 同埋根本都無睇漫畫
上一次International Lunch同阿tim傾開計, 佢講開草苺, 我就講I''s
就令我醒返起呢套漫畫, 之後即劇上網download返黎睇
真係好好睇好好睇
雖然有時係好賣弄色情, 甚至當初我都係因為咁而去睇I''s
不過佢d色情位好好笑呀, 唔好意思, 男仔就係咁ga la
但係入面寫o既情真係好好,好好
睇完之後有種失而復得o既感覺
覺得呢排做人膚淺左
睇返純愛之後 個人有d反思
人生活要有深度, 有應該追求,正確o既事, 正確o既目標
但係深度就好似海灘邊掘沙掘出黎既窿咁
不斷都會俾海水, 俾經過既人填補返, 到最後就好似從來都無存在過咁
靠漫畫黎掘返個深度出黎實在太sad,
梗何況可能以後都唔會再有咁o既漫畫
都係靠自己掘實在d
想像真係同海水鬥, 同路人鬥咁掘真係好辛苦好''岸''居
不過係值得ga
P.S. 我唔睇草苺就係覺得佢太色情, 唔似I''s同純愛背後好有意思,
不過呢個只係睇左4期o既結論
草苺o既fans請多多包涵啦
本身仲有野想講但係唔想打啦
有人話過我d xanga太長, 偶然會啦
我打xanga唔係話完全for俾人睇, 至少唔係每一篇都係咁打算
我打xanga其中1個主因係想整理自己o既思想
將想講o既野打出黎會令自己意識到自己到底有咩感受
如果有日記寫低呢d野的話我會抓狂
因為我係1個充滿完美主義o既懶人
係呢度寫錯左字, 刪返咪得囉, 係日記寫錯左我會抆因為改唔返
同埋打實在太方便啦, 寫咁煩, 我懶做準備功夫
今日整理住咁多先啦
| | |
|
